मणिपूरची राजधानी इम्फाळ शहरातील खुयाथाँग भागात आज (रविवार) सकाळी अतिरेक्यांनी घडवून आणलेल्या बॉम्बस्फोटात तीन नागरिकांचा मृत्यू झाला. तर, चार जण जखमी आहेत.
रविवारी सकाळी इंफाळ बाजाराजवळील रस्त्याच्या कडेला मोठा शक्तिशाली स्फोट झाला. आयईडी स्फोटकांच्याच्या सहाय्याने हा शक्तिशाली स्फोट घडवून आणल्याचे पोलिसांनी यावेळी सांगितले. यात तीन कामगार ठार तर चार जण गंभीर जखमी झाले. जखमींना उपचारासाठी जवळच्या रुग्णालयात दाखल करण्यात आले असून त्यांची प्रकृती गंभीर असल्याचे सांगण्यात येत आहे.

(संग्रहित छायाचित्र)