द्रमुकमध्ये पक्षांतर्गत लोकशाहीचा अभाव आहे असा आरोप करत माजी केंद्रीयमंत्री डी. नेपोलियन यांनी भाजपत प्रवेश केला आहे. तामिळनाडूत २०१६ मध्ये विधानसभा निवडणुकीत यश मिळवण्यासाठी भाजप प्रयत्नशील आहे. भाजपचे अध्यक्ष अमित शहा यांच्या उपस्थितीत नेपोलियन यांनी भाजपत प्रवेश केला. शहा यांच्या दोन दिवसांच्या दौऱ्यात भाजपमध्ये सामील झालेले ते तिसरे नेते आहेत. राज्यातील गीतकार गंगाई अमरान व वेशभूषाकार गायत्री रघुराम यांनी भाजपत प्रवेश केला आहे. नेपोलियन हे संयुक्त पुरोगामी आघाडीच्या राजवटीच्या काळात सामाजिक न्याय व सक्षमीकरण मंत्री होते.
